رپورٹنگ آن لائن۔
شیخوپورہ کے علاقے تھانہ فیروز والا کی حدود میں پراپرٹی ٹیکس ادا نہ کرنے اور محکمے کی ٹیم پر حملے کے الزام میں مقامی پولیس نے دو افراد کے خلاف مقدمہ درج کرتے ہوئے گرفتار کرلیا ہے
تفصیلات کے مطابق ایکسائز ٹیکسیشن اینڈنارکوٹکس کنٹرول ڈیپارٹمنٹ ریجن ڈی لاہور جام سراج کی ہدایات پر ای ٹی او شیخوپورہ کی ایکسائز انسپکٹر شہزاد صفدر،جونئیر کلرک عاصم حمید اور کانسٹیبل عابد علی پر مشتمل ٹیم فیروزوالا کے علاقے میں نادہندگان سے پراپرٹی ٹیکس وصول کررہی تھی کہ حیدر رڈ پر اٹک پٹرول پمپ کے قریب پراپرٹی یونٹ 1325AS49کے سامنے آتشیں اسلحے سے لیس علی رضا بٹ اور فیصل رحمن سرکاری گاڑی کو دیکھ کر مشتعل ہوگیئے
ٹیم سے ہاتھا پائی کرنے لگے اور انہوں نے انسپکٹر شہزاد صفدر سے بٹوا اور نقدی چھیننے کی کوشش کی جس پر سرکاری ٹیم نے ایمرجنسی نمبر پر کال کرتے ہوئے پولیس کو بلا لیا جواب میں پولیس نے دونوں حملہ آوروں کو گرفتار کرکے ان کے خلاف کارسرکار میں مداخلت اور دیگردفعا ت کے تحت مقدمہ درج کرلیا ہے
