دبئی(رپورٹنگ آن لائن) پاکستانی مارشل آرٹس فائٹررضوان علی نے دبئی میں شاندار کارکردگی کا مظاہرہ کرتے ہوئے بھارتی حریف رانا پرتاپ سنگھ کو پہلے ہی راؤنڈ میں ناک آؤٹ کر دیا۔
دبئی میں ہونیوالی مکسڈ مارشل آرٹس فائٹ کے آغاز سے ہی رضوان علی نے اپنے حریف پر بھرپور دباؤ ڈالا اور چند ہی لمحوں میں فیصلہ کن وار کرتے ہوئے مقابلہ اپنے نام کر لیا۔
اس کامیابی کے ساتھ ہی رضوان علی نے مسلسل گیارہویں فائٹ جیت کراپنا ناقابلِ شکست ریکارڈ برقرار رکھا، فتح کے بعد رضوان علی کو 50 لاکھ روپے انعامی رقم سے نوازا گیا۔
معروف یو ایف سی چیمپئن خمزت چمیائف بھی فائٹ دیکھنے کے لیے دبئی پہنچے، جنہوں نے مقابلے کے بعد رضوان علی کو گلے لگا کر مبارکباد دی۔
رضوان علی نے جیت کے بعد کہا کہ پاکستان سے بڑھ کر کچھ نہیں یہ کامیابی پاک فوج اور پوری قوم کے نام ہے، صدرایم ایم اے فیڈریشن عمر احمد نے ہمیشہ ان کی حوصلہ افزائی کی۔
رضوان علی نے انکشاف کیا کہ انہوں نے فائٹ سے قبل بھارتی حریف کو کہہ دیا تھا کہ تمہیں شکست دوں گا اوراس کے بعد ہاتھ ملانے سے انکار کر دیا۔
