اسلام آباد(رپورٹنگ آن لائن ) وفاقی وزیر داخلہ شیخ رشید احمد نے کہا ہے کہ پاکستان یکم مئی سے ای پاسپورٹ کا آغاز کر رہا ہے،ای پاسپورٹ سے انسانی سمگلنگ روکنے میں بہت ملے گی،191 ملکوں کے شہر یوں کو آن لائن ویزا دے رہے ہیں۔
بدھ کو وزیر داخلہ شیخ رشید احمد سے پاکستان میں آسٹریلیا کے ہائی کمشنر جیفری شاو (Geoffrey Show) نے ملاقات کی جس میں پاک آسٹریلیا دو طرفہ تعلقات اور باہمی دلچسپی کے امور ،بارڈر مینجمنٹ کو بہتر بنانے اوراور قانون نافذ کرنے والے اداروں کی پیشہ وارانہ صلاحیت بڑھانے پر بات چیت کی گئی ۔
اس موقع پر وزیر داخلہ شیخ رشید احمد نے کہا پاکستان نے وزارت داخلہ میں بارڈر مینیجمنٹ ونگ قائم کردیا ہے،انسانی سمگلنگ اورمصنوعات کی غیر قانونی نقل و حمل روکنے کے حوالے سے جامع اقدامات کررہے ہیں،پاکستان یکم مئی سے ای پاسپورٹ کا آغاز کر رہا ہے،ای پاسپورٹ سے انسانی سمگلنگ روکنے میں بہت ملے گی،ای ویزا کا آغاز یکم جنوری سے کرچکے۔
191 ملکوں کے شہر یوں کو آن لائین ویزا دے رہے ہیں،افغانستان نے سب سے زیادہ درخواستیں موصول ہو رہی ہیں۔ اس موقع پر آسٹریلین ہائی کمشنر نے کہا پاکستان اور آسٹریلیا کے درمیان بین الاقوامی جرائیم کی روک تھام کے لئے تعاون بڑھانے کی ضرورت ہے۔ پاکستان کو بارڈر مینیجمنٹ کو بہتر کرنے کے لئے تکنیکی معاونت فراہم کرینگے۔
پاکستان نے کرونا وائیرس کے پھیلاو¿ کو جس طرح کنٹرول کیا ہے بہت قابل تعریف ہے۔ آسٹریلین ہائی کمشنر نے شیخ رشید احمد کو وزارت داخلہ کا قلمدان سنبھالنے پر مبارکباد پیش کی۔ ملاقات میں وزارت داخلہ اور آسٹیریلوی ہاءکمیشن کے اعلی افسران بھی موجود تھے۔
