پشاور (رپورٹنگ آن لائن )پشاور زلمی کے کھلاڑی راومن پاوول نے کہا ہے کہ پاکستان سپر لیگ ہر کھلاڑی کے لیے اہم ہے، پی ایس ایل میں لوکل ٹیلنٹ سے مقابلے کا معیار اور بڑھ جاتا ہے۔
میچ کے بعد میڈیا سے گفتگو انہوں نے کہا کہ جب بابر اعظم اور صائم ایوب کھیل رہے تھے تو 230 تک کا اسکور ذہن میں تھا، جب وکٹیں گریں تو پھر سوچا کہ 200 کا ہدف ذہن میں رکھیں۔انہوں نے کہا کہ بابر اعظم بھی انسان ہے، وہ کبھی ناکام بھی ہوسکتا ہے، بابر اعظم کی بطور کپتان حکمت عملی کافی شاندار ہے۔
راومن پاوول نے۔ کہاکہ ٹیم میں ہر کھلاڑی کا کردار واضح ہے اور وہ اسکو نبھا رہا ہے، پنڈی کا کراوڈ اچھا رہا، کاش اس کراوڈ کو ہم کراچی بھی لے جاتے۔پشاور زلمی کے کھلاڑی نے کہا کہ بابر اعظم کی وجہ سے زلمی کی فین فالوونگ بڑھ گئی ہے، بابر اعظم ایک سپر اسٹار ہے۔
