اسلام آباد(رپورٹنگ آن لائن)پاکستان مسلم لیگ (ن) کی ترجمان مریم اورنگزیب نے کہا ہے کہ ٹویٹ کرکے آٹے، چینی، بجلی، گیس، دوائی کی قیمت کم نہیں ہو گی ،عوام کو کچھ دے نہیں سکتے تو کم از کم زبان ہی بند رکھیں،عوام کی مفلسی بے بسی کا مزید مذاق نہ اڑائیں،عوام کی فریادیں، مطالبات اور بددعائیں سنیں،فواد صاحب جھوٹے ٹویٹ کرنے کے بجائے عمران صاحب سے کہیں کہ وزیراعظم آفس سے باہر نکلیں، باہر ملک بھر سے آئے تاجر احتجاج کر رہے ہیں ۔
منگل کو وزیر اطلاعات فواد چوہدری کے بیان پر ردعمل دیتے ہوئے پاکستان مسلم لیگ (ن) کی ترجمان مریم اورنگزیب نے کہا کہ ٹویٹ کرکے آٹے، چینی، بجلی، گیس، دوائی کی قیمت کم نہیں ہو گی ،عوام کی مفلسی بے بسی کا مزید مذاق نہ اڑائیں،عوام کی فریادیں، مطالبات اور بددعائیں سنیں،ٹویٹ کر کے کون سے ملک کے آٹا چینی بجلی گیس سبزیاں سستی ہونے کہ اطلاع دے رہے ہیں ۔انہوں نے کہا کہ کیوں جھوٹ بولتے ہیں ، کیوں عوام کی بے بسی ، غربت اور مفلسی کا مزاق اڑاتے ہیں ؟ کیوں ،عوام کو کچھ دے نہیں سکتے تو کم از کم زبان ہی بند رکھیں ۔
مریم اورنگزیب نے کہا کہ آٹا چینی بجلی گیس دوائی اب عمران مافیا کے جانے سے اب مہنگائی کم ہوگی،فواد صاحب جھوٹے ٹویٹ کرنے کے بجائے عمران صاحب سے کہیں کہ وزیراعظم آفس سے باہر نکلیں، باہر ملک بھر سے آئے تاجر احتجاج کر رہے ہیں ،عمران صاحب باہر آئیں اور احتجاج کرنے والے اساتذہ کے مطالبات سنیں، پارلیمنٹ ہاﺅس کے باہر موجود سرکاری ملازمین کے احتجاج کا جواب دیں ،آج ڈاکٹرز، طلباء، اساتذہ، تاجر سب سڑکوں پر ہیں،صنعت کار، مزدور، سرکاری ملازمین اور مظلوم عوام عمران صاحب کے ظلم کے خلاف سراپا احتجاج ہیں
