اسلام آباد (رپورٹنگ آن لائن) وزیراعظم عمران خان کی زیر صدارت وفاقی کابینہ کا اجلاس کل منگل کو ہوگا ۔کابینہ اجلاس آج دوپہر بارہ بجے وزیر اعظم ہاوس میں ہوگا ۔
وفاقی کابینہ ملکی سیاسی، معاشی اور سلامتی کی صورتحال کا جائزہ لے گی ۔وفاقی کابینہ براڈ شیٹ کیس میں اب تک ہونے والی پیش رفت کا جائزہ لے گی۔کابینہ پی ڈی ایم کی حکومت مخالف تحریک پر بھی غور کرے گی ۔وفاقی کابینہ کے اجلاس کا 17 نکاتی ایجنڈا جاری کردیا گیا ۔کابینہ کو کفایت شعاری اور ری اسٹرکچرنگ ٹاسک فورس کے چیئرمین بریفنگ دیں گے ۔نیشنل ڈیزاسٹر رسک مینجمنٹ فنڈ اور فیوچر ایڈمنسٹریشن فنڈ بارے بریفنگ دی جائے گی ۔ وفاقی کابینہ اجلاس میں کورونا ویکسین کی قیمت مقرر کرنے کی منظوری دے گی ۔
کابینہ کو اقتصادی اور معاشی اعشاریوں پر بریفنگ دی جائے گی۔کینٹونمنٹ بورڈز کے بلدیاتی انتخابات کی تاریخ اور شیڈول منظوری دی جائے گی ۔اسلام آباد ہائی کورٹ کے احکامات کے تحت کابینہ کمیٹیوں کی تشکیل کا معاملہ کابینہ کےسامنے رکھا جائے گا ۔ ایف نائن پارک کی خالی زمین کے عوض مقامی اور عالمی سطح پر سکوک بانڈز کے اجراء کی منظوری دی جائے گی۔
نفٹ میں لازمی سروسز ایکٹ کے نفاز کی توسیع کی منظوری دی جائے گی۔ اجلاس میں پاکستان کی ماحولیاتی آلودگی سے متعلق انٹرنیشنل نیٹ ورک بمبو اینڈ رتن میں شمولیت پر بریفنگ دی جائے گی۔پاکستان سیکورٹی پرنٹنگ کارپوریشن میں لازمی سروس ایکٹ کی توسیع کی منظوری کابینہ دے گی۔ اجلاس میں نادرا کے مالی سال 2020 کے مالیاتی اکاو¿نٹس کے آڈٹ کی منظوری دی جائے گی۔
ورکرز ویلفئیر فنڈ اور نیا پاکستان ہاو¿سنگ اتھارٹی میں الاٹمنٹ پالیسی کے ایم او یو کی منظوری دی جائے گی۔ لاہور میں وزارت مذہبی امور کے پلاٹ کی فروخت کےلئے این او سی کی منظوری
دی جائےگی۔
کابینہ ادارہ جاتی اصلاحات اور انرجی کمیٹیوں کے 18 جنوری کے فیصلوں کی توثیق کرے گی۔وفاقی کابینہ اقتصادی رابطہ کمیٹی کے 20 جنوری کے فیصلوں کی توثیق بھی کرے گی
