اسلام آباد(رپورٹنگ آن لائن)وفاقی وزیر برائے امور کشمیر ،گلگت بلتستان و سیفران و صدر مسلم لیگ (ن) خیبر پختونخوا انجینئر امیر مقام نے پشاور میں ایف سی ہیڈ کوارٹر پر ہونے والے خودکش حملے کی شدید الفاظ میں مذمت کی ہے۔پیرکو اپنے بیان میں انجینئر امیر مقام نے شہید ہونے والے ایف سی اہلکاروں کو خراجِ عقیدت پیش کرتے ہوئے کہا کہ قوم اپنے بہادر جوانوں کی لازوال قربانیوں کو ہمیشہ یاد رکھے گی۔
انہوں نے دعا کی کہ اللہ تعالیٰ شہدا کے درجات بلند اور ان کے اہلِ خانہ کو صبرِ جمیل عطا فرمائے ۔انہوں نے واقعے میں زخمیوں کی جلد صحتِ یابی کی دعا بھی کی ۔وفاقی وزیر نے کہا کہ ملک کی سکیورٹی فورسز دہشت گردی کے خاتمے کےلئے کلیدی کردار ادا کر رہی ہیں اور پوری قوم ان کے شانہ بشانہ کھڑی ہے، امن دشمن قوتیں پاکستان کی ترقی کی راہ میں رکاوٹیں کھڑی نہیں کر سکتیں۔
