اوکاڑہ
( شیر محمد)تقریب میں کمشنر ساہیوال ڈاکٹر آصف طفیل، ڈپٹی کمشنر احمد عثمان جاوید، ممبران صوبائی اسمبلی میاں محمد منیر، چوہدری جاوید علاؤالدین اور لیگی رہنما راؤ محمد اجمل نے بھی شرکت کی، تقریب کے مہمانِ خصوصی وزیر زراعت و لائیو اسٹاک پنجاب سید عاشق حسین کرمانی نے کامیاب کاشتکاروں کو ٹریکٹرز کی چابیاں تقسیم کیں، وزیر زراعت پنجاب سید عاشق حسین کرمانی نے کہا کہ صوبہ پنجاب کے کاشتکاروں کو 10 ہزار ہائی پاور ٹریکٹرز سبسڈی پر فراہم کیے جا رہے ہیں، 10 ارب روپے کی لاگت سے فی ٹریکٹر 10 لاکھ روپے سبسڈی دی جا رہی ہے،
ساہیوال ڈویژن میں 679 ہائی پاور گرین ٹریکٹر سبسڈی پر فراہم کئے جارہے ہیں، ضلع اوکاڑہ میں 280 ہائی پاور گرین ٹریکٹر فراہم کئے جارہے ہیں، وزیراعلیٰ پنجاب فارم میکانائزیشن کیلئے فیاضانہ وسائل فراہم کررہی ہیں، انہوں نے کہا کہ 10 ہزار مزید گرین ٹریکٹرز کی سبسڈی پر فراہمی کیلئے درخواستیں جلد وصول کی جائیں گی، وزیراعلیٰ پنجاب کسان کارڈ حکومت کا فلیگ شپ پروگرام ہے، کسان کارڈ کے تحت اب تک 7 لاکھ سے زائد کاشتکاروں کو 250 ارب روپے سے زائد بلا سود قرض فراہم کیے جا رہے ہیں، ہائی پاور گرین ٹریکٹرز کی تقسیم پر کسانوں کاشتکاروں نے وزیراعلی پنجاب مریم نواز شریف کا شکریہ ادا کیا۔
