اسلام آباد (رپورٹنگ آن لائن)وزیراعظم محمد شہباز شریف سے متحدہ قومی موومنٹ کے کنوینر ڈاکٹر خالد مقبول صدیقی کی قیادت میں 7 رکنی وفد نے ملاقات کی۔
وزیراعظم آفس کے میڈیا ونگ کی طرف سےجمعرات کو جاری بیان کے مطابق ایم کیو ایم کے وفد میں خالد مقبول صدیقی کے علاوہ گورنر سندھ کامران خان ٹیسوری، وفاقی وزیر صحت سید مصطفی کمال، ارکان قومی اسمبلی ڈاکٹر فاروق ستار، جاوید حنیف خان، سید امین الحق اور خواجہ اظہار الحسن شامل تھے۔
ملاقات میں مجوزہ 27ویں آئینی ترمیم پر بات چیت اور مشاورت ہوئی۔ملاقات میں نائب وزیراعظم و وزیر خارجہ محمد اسحاق ڈار، سپیکر قومی اسمبلی سردار ایاز صادق، وزیر دفاع خواجہ محمد آصف، وزیر قانون اعظم نذیر تارڑ، وزیر اقتصادی امور احد خان چیمہ، وفاقی وزیر اطلاعات و نشریات عطا اللہ تارڑ، وزیرِ پارلیمانی امور طارق فضل چوہدری اور مشیرِ وزیرِ اعظم رانا ثناء اللہ بھی موجودتھے۔
