اسلام آباد(رپورٹنگ آن لائن) پاکستان پیپلزپارٹی کے رہنما سینیٹر سلیم مانڈوی والا نے کہا کہ نیب نے ملک کو اربوں نہیں بلکہ کھربوں روپے کا نقصان پہنچایا ، پی ٹی آئی فارن فنڈنگ کیس 2014سے کیس چل رہا ہے، اب واضح ہونا چاہیے کون فارن فنڈنگ لے رہا ہے، نیب کے کرپٹ افسران کے ثبوت صدر کو فراہم کرنے کو تیار ہوں،
ہفتہ کو پریس کانفرنس کرتے ہوئے انہوں نے کہا کہ نیب میں کرپٹ افسران کو برداشت نہیں کیا جائے گا، نیب کے کرپٹ افسران کے ثبوت صدر کو فراہم کرنے کو تیار ہوں، نیب نے ملک کو اربوں نہیں بلکہ کھربوں روپے کا نقصان پہنچایا ہے۔سلیم مانڈوی والا نے کہا کہ حکومت نے نیب سے متعلق آرڈیننس جاری کیا، آرڈیننس کے معاملے پر بیٹھ کر اپوزیشن سے بات کی جائے، جو ترامیم کرنی ہیں اپوزیشن سے بیٹھ کر معاملے حل کیا جائے،
سلیم مانڈوی والا نے کہا کہ پیپلزپارٹی نے مہنگائی کے خلاف شاہراہ دستور پر احتجاج کا اعلان کیا ہے، شاہراہ دستور پر مہنگائی کے خلاف احتجاج کریں گے، احتجاج میں شرکت کے لئے دیگر جماعتوں کو شرکت کی دعوت دی جائے گی، حکومت اور مہنگائی کے خلاف احتجاج کی شروعات اسلام آباد سے کررہے ہیں۔
