نور الحسن 19

میری کامیابی میں پی ٹی وی کا بڑا ہاتھ ہے ‘نور الحسن

لاہور( رپورٹنگ آن لائن)سینئر اداکار و میزبان نور الحسن نے کہا ہے کہ میری کامیابی میں پی ٹی وی کا بڑا ہاتھ ہے ،پی ٹی وی میں جب ڈرامہ چلتا تھا تو ہر ہفتے کے لئے نئی قسط ریکارڈ ہوتی تھی ۔

اپنے ایک انٹر ویو میں انہوں نے کہا کہ پی ٹی وی سے بڑے لازوال ڈرامے پیش ہوئے ہیں جو دہائیوں گزرنے کے باوجود آج بھی لوگوں کے ذہنوں پر نقش ہیں ، ان ڈراموں میں انٹرٹینمنٹ کے ساتھ اصلاح تھی .

معاشرے کے حقیقی مسائل کو نہ صرف اجاگر کیا جاتا تھا بلکہ حل بھی تجویز کیا جاتا تھا۔ انہوں نے کہا کہ آج بھی ایسے ڈرامے پیش کئے جاسکتے ہیں اس کے لئے صرف اسکرپٹ پر توجہ مرکوز کرنا ہو گی ۔

اس خبر پر اپنی رائے کا اظہار کریں