سڈنی (رپورٹنگ آن لائن)آسٹریلیا کے فاسٹ بولر مچل اسٹارک نے سابق کپتان وسیم اکرم کے تاریخی ریکارڈ پر نظریں جمالیں۔
تفصیلات کے مطابق آسٹریلوی فاسٹ باؤلر مچل اسٹارک کرکٹ میں تاریخ رقم کرنے کے دہانے پر پہنچ گئے ہیں وہ لیجنڈ وسیم اکرم کے 414 ٹیسٹ وکٹوں کے ریکارڈ کو پیچھے چھوڑنے سے صرف تین وکٹیں دور ہیں۔آسٹریلوی فاسٹ بولر یہ اعزاز حاصل کرکے لیجنڈز فاسٹ بولر کی فہرست میں شامل ہوجائیں گے۔مچل اسٹارک نے ایشیز سیریز کے پہلے ٹیسٹ میچ میں انگلینڈ کے خلاف پہلی اننگ میں 7 اور دوسری اننگز میں تین وکٹیں حاصل کرکے جیت میں اہم کردار ادا کیا۔
پرتھ میں ایشز کے اوپنر نے ٹریوس ہیڈ کی شاندار چوتھی اننگز کی سنچری اور اسٹارک کے دس وکٹوں نے آسٹریلیا کو دو دن کے اندر آٹھ وکٹوں کی زبردست فتح سے ہمکنار کیا۔واضح رہے کہ وسیم اکرم نے 104 ٹیسٹ میچز میں 414 وکٹیں حاصل کی ہیں جبکہ اسٹارک نے 101 ٹیسٹ میچ کھیل کر 412 وکٹیں حاصل کررکھی ہیں، تیسرے نمبر پر سری لنکا کے چمندا واس ہیں جن کی وکٹوں کی تعداد 355 ہے، نیوزی لینڈ کے ٹرینٹ بولٹ 78 میچوں میں 317 وکٹوں کے ساتھ چوتھے نمبر پر ہیں۔آسٹریلیا کے سابق کرکٹر مچل جانسن نے 73 میچوں میں 313 وکٹیں حاصل کررکھی ہیں۔
