اسلام آباد (ر پورٹنگ آن لائن)پاکستان پیپلز پارٹی کی نائب صدر شیری رحمن نے کہا ہے کہ ملک میں مہنگائی کی نئی لہر تشویش ناک ہے۔ اپنے بیان میں شیری رحمن نے کہاکہ حکومت کی ساری توجہ اپنی حکومت بچانے پر ہے، عوامی مسائل گھمبیر ہوتے جا رہے۔انہوںنے کہاکہ وزیراعظم کی معاشی ٹیم دو ماہ سے الیکشن میں مصروف رہی، مجموعی طور پر مہنگائی کی شرح 14.95 فی صد پر پہنچ گئی ہے، تیل کی قیمتوں میں مسلسل اضافہ مہنگائی کا سبب بن رہا۔
انہوںنے کہاکہ چینی کی قیمت ایک بار پھر 110 روپے کلو ہو گئی ہے، کیا وزیراعظم ایک بار پھر نوٹس لینگے؟ ۔ شیری رحمن نے کہاکہ وزیراعظم اور وزراء ابھی بھی مہناگئی کم ہونے کا دعوہ کر رہے، دودھ، مرغی اور سبزیوں کی قیمتوں میں اضافہ ہو گیا ہے، غریب اور متوسط طبقے کو دسترخوان پر دال بھی میسر نہیں، عوام کی قوت خرید ختم ہو چکی ہے۔ انہوںنے کہاکہ وزیراعظم دعوہ کرتے ہیں کہ کوئی بھوکا نہیں سوتا،حکومت کرسی بچانے کے بجائے مہنگائی پر دھیان دے۔
