کراچی (رپورٹنگ آن لائن)ملک بھر میں سونے کی قیمت میں اتار چڑھاؤ کا سلسلہ جاری ہے، کاروباری ہفتے کے تیسرے روز سونے کی قیمت میں کمی ریکارڈ کی گئی ہے۔
آل پاکستان جیولرز مینوفیکچررز ایسوسی ایشن کی جانب سے جاری کردہ اعداد و شمار کے مطابق ملک بھر میں سونے کی فی تولہ قیمت 1600 روپے کمی کے بعد 3 لاکھ 1 ہزار 500 روپے ہوگئی ہے جبکہ 10 گرام سونے کی قیمت 1372 روپے کمی کے بعد 2 لاکھ 58 ہزار 487 روپے ہوگئی ہے۔
عالمی مارکیٹ میں سونا 16 ڈالر کی کمی سے 2888 ڈالر فی اونس کا ہوگیا جبکہ چاندی کی فی تولہ قیمت 3 ہزار 312 روپے پر مستحکم رہی۔
