اوٹاوا (رپورٹنگ آن لائن)معروف بھارتی پنجابی گلوکار تیجی کالون قاتلانہ حملے میں مبینہ طور پر زخمی ہوگئے۔بھارتی میڈیا کے مطابق پنجابی گلوکار تیجی کالون پر کینیڈا میں فائرنگ کا واقعہ پیش آیا، جس کی ذمہ داری بھارتی گینگسٹر روہت گودرا کے گروپ نے قبول کی ہے۔
6یبھارتی میڈیا رپورٹ میں بتایا گیا کہ سوشل میڈیا پر شائع کیے گئے ایک پیغام میں ملزمان نے الزام لگایا کہ گلوکار مخالف گروہوں کو ہتھیار اور رقم فراہم کرتا رہا ہے اور ان کا مخبربھی ہے۔ملزمان نے پیغام میں کہا کہ ہم نے کینیڈا میں تیجی پر فائرنگ کی۔ اسے پیٹ میں گولی لگی ہے۔
اگر وہ سمجھ گیا تو ٹھیک، ورنہ اگلی دفعہ ہم اسے ختم کر دیں گے۔کینیڈین حکام نے واقعے کی تفتیش شروع کر دی ہے اور مقامی پولیس سی سی ٹی وی فوٹیج، شواہد اور عینی شاہدین کے بیانات اکٹھے کر رہی ہے۔ بھارتی میڈیا کے مطابق گلوکار کی حالت اور کسی بھی ملزمان کی گرفتاری کے بارے میں تاحال مزید اطلاع سامنے نہیں آئی۔
