اسلام آباد(رپورٹنگ آن لائن)مسافرریل گاڑیوں کی آوٹ سورسنگ میں ناکامی کے بعدپاکستان ریلوے نے مسافرریل گاڑیاں اپنی کمپنی پراکس کے حوالے کرنے کافیصلہ کرلیا،وزیر ریلوے نے مسافرگاڑیوں کی آوٹ سورسنگ میں باربار ناکامی اور نجی شعبہ کے عدم دلچسپی کے بعد مسافرگاڑیوں کی کمرشل مینجمنٹ پراکس کادینے کی ہدایت کی،
ریلوے نے مسافرگاڑیاں پراکس کودینے کے لیے قانونی ضابطے پورے کرنے شروع کردیئے،پراکس نے بھی مسافرگاڑیاں لینے کی حامی بھرلی،جلد پراکس کے نئے رولز کی منظوری دی جائے گی ۔اس خبررساں ادارے کے مطابق پاکستان ریلوے نے مسافرگاڑیوں کی کمرشل منیجمنٹ کوآوٹ سورس کرنے کا فیصلہ کیاتھا جس کے بعد تمام مسافر گاڑیوں کی آوٹ سورسنگ کے لیے اشتہار دیاگیامگر نجی شعبہ کی عدم دلچسپی کی وجہ سے وہ بری طر ح ناکام ہوگیاتھا اور صرف ایک ٹرین آوٹ سورس ہوسکی جس کے بعد دوبارہ اشتہاردیاگیامگر وہ بھی بری طرح ناکام ہوگیا
یکم دسمبرکو ٹیکینکل بیڈکھلیں تو 33میں سے 14مسافر گاڑیوں کے لیے کسی نے بولی نہیں دی 11کی سنگل ،5کی ڈبل اور3مسافرگاڑیوں کے لیے 3کمپنیوں نے بولیاں دیں۔جس کے بعد 4دسمبر کو وزیر ریلوے اعظم سواتی کی سربراہی میں ریلوے ہیڈکواٹر لاہور میں اجلاس ہواجس میںوزیر ریلوے نے ہدایت کی کہ مسافرٹرینوں کی کمرشل مینجمنٹ ریلوے کی کمپنی پاکستان ریلوے ایڈوائزری اینڈ کنسلٹنسلی سروسز(پراکس) کے حوالے کی جائے جس پر بتایاگیاکہ اس کے لیے پراکس کمپنی کے لیے نئے رولز کی منظوری کی ضرورت پڑے گی
پراکس کمپنی کے حکام نے بتایاکہ اگر ان کو مسافرٹرینوں کی کمرشل مینجمنٹ دی جائے تو وہ اس ذمہ داری کوپوراکرنے کے لیے تیار ہیں ایم ڈی پراکس خالد خرشید کنور کی طرف سے رولز بنانے کے لیے 6دسمبر کو ایک خط بھی وزارت ریلوے کولکھاگیاہے ۔جس کے بعداب وزارت ریلوے نے پراکس کو مسافر ٹرینوں کی کمزشل مینجمنٹ دینے کے لیے نئے رولز بنانے کے لیے کام شروع کردیاہے قانونی تقاضے پورے کرنے کے بعد ریلوے کی تمام مسافرٹرینوں کوپراکس کمپنی کے حوالے کردیاجائے گا ۔
