اوکاڑہ
( شیر محمد)مریم نواز کے ویژن کے مطابق ڈپٹی کمشنر اوکاڑہ عثمان جاوید کی خصوصی ہدایت پر ضلعی انتظامیہ نے شہر میں انسدادِ تجاوزات مہم کو مزید مؤثر بنانے کے لیے کارروائیاں تیز کر دی ہیں۔
سب ڈویژنل انفورسمنٹ آفیسر (SDEO) وسیم جاوید، سینیئر سارجنٹ سہیل اور انفورسمنٹ ٹیم نے مختلف بازاروں میں اچانک دورے کیے، جہاں غیرقانونی تجاوزات کے خاتمے کے لیے مؤثر اقدامات کیے گئے۔
کارروائی کے دوران دکانداروں کی جانب سے لگائی گئی اضافی ترپالیں، ٹھیلے اور راستہ بند کرنے والی اشیاء موقع پر ہٹوا دی گئیں۔ SDEO وسیم جاوید اور سینیئر سارجنٹ سہیل نے خود کھڑے ہو کر عملدرآمد کی نگرانی کی اور ٹیموں کو واضح ہدایات جاری کیں کہ بازاروں کو کھلا، صاف اور شہریوں کے لیے قابلِ گزر رکھا جائے۔
ضلعی انتظامیہ کا کہنا ہے کہ یہ اقدامات شہریوں کی سہولت، ٹریفک کی روانی اور بازاروں کے بہتر نظم و ضبط کے لیے کیے جا رہے ہیں۔ مزید کارروائیاں آئندہ دنوں میں بھی جاری رہیں گی۔
