لاہور (رپورٹنگ آن لائن) محکمہ سکول ایجوکیشن نے سال2026ء میں ٹیچرز لائسنسگ کے اجراء ا کا فیصلہ کر لیا ۔سرکاری اورپرائیویٹ دونوں اساتذہ کے لئے لائسنس لینا لازمی ہوگا، ٹیچرلائسنس کی سمری منظوری کے لئے صوبائی کابینہ کو بھجوائی جائے گی ۔
بتایا گیا ہے کہ عارضی اساتذہ کے کنٹریکٹ میں اضافہ بھی لائسنس کی بنیاد پر ہو گا، ٹیچنگ لائسنس حاصل کرنے کے لئے ٹیسٹ دینا لازمی ہوگا،ٹیسٹ پاس کرنے والے ہی تدریسی لائسنس حاصل کرسکیں گے۔ٹیچنگ لائسنس کے لئے ٹیسٹ کی ذمے داری پیکٹا کے ذمہ ہوگی۔محکمہ سکول ایجوکیشن کا کہنا تھا کہ تدریسی معیار بہتر بنانے کے لئے لائسنسنگ سسٹم متعارف کروایا جارہا ہے۔
