رپورٹنگ آن لائن۔
ایکسائز اینڈ ٹیکسیشن لاہور ریجن بی میں پراپرٹی ٹیکس چوری کی یکے بعد دیگر بڑی وارداتیں سامنے آنے لگیں۔
لاہور ریجن بی کے پرکشش اور شہر کے مہنگے ترین زون 7 ماڈل ٹاون میں پراپرٹی ٹیکس سرکل ماڈل ٹاؤن K بلاک کمرشل مارکیٹ کے بعد سرکل ماڈل ٹاون لنک روڈ پر بڑی تعداد میں موجود کمرشل جائیدادوں میں غیر تشخیص شدہ اور ناقص یا کم تشخیص کے حامل متعدد یونٹس سامنے آئے ہیں۔ماڈل ٹاون لنک روڈ پر امانہ مال،وکٹوریہ،زینب ٹاور،لبرٹی ٹاور،ٹیلی ٹاور،اکرم کمپلیکس،کباب جی،صادق آرکیڈ،راجہ صاحب اور دیگر یونٹوں میں بیسمنٹ،پہلا،دوسرا، تیسرا،اپر فلورز ناقص یا کم تشخیص کے حامل بتائے گئے ہیں۔بعض یونٹوں میں پیڈ پارکنگ کو سیلف درج کیا گیا ہے۔جبکہ راجہ صاحب، وکٹوریہ جیسے مالز میں کرایہ ادا کرنے والی مختلف آوٹ لیٹس کو بھی سیلف ظاہر کیا گیا ہے۔
زرائع کے مطابق ماڈل ٹاون میں ان اسیسیڈ اور انڈر اسیسڈ جائیدادوں کی تعداد ایک لمبی فہرست پر مشتمل ہے جس سے قومی خزانے کو سالانہ کروڑوں روپے کے ریونیو لاس کا سامنا ہے۔
ماڈل ٹاون لنک روڈ پر پراپرٹی کی چوری کے حوالے سے گفتگوکرتے ہوئے ای ٹی او زون 7ماڈل ٹاون عزیر تنویر کا کہنا تھا کہ زینب ٹاور کو انہوں نے خود چیک کیا ہے وہاں ان اسیسڈ یا انڈر اسیسڈیونٹ نہیں ہیں سبھی یونٹ مکمل تشخیص شدہ ہیں اور پراپرٹی ٹیکس باقاعدگی سے ادا کررہے ہیں۔البتہ دیگر یونٹس کے حوالے سے ان کا کہنا تھا کہ وہ ان کی چیکنگ کروالیتے ہیں۔
