کراچی(ر پورٹنگ آن لائن) نومبر میں شیڈول لنکا پریمیئر لیگ میں پاکستان کی فرنچائز ٹیم کوئٹہ گلیڈی ایٹرز بھی شامل ہوگی۔
ذرائع کا کہنا ہے کہ سابق ٹیسٹ کپتان سرفراز احمد ہی کوئٹہ گلیڈی ایٹرز کے کپتان ہوں گے،معین خان ہیڈ کوچ اور اعظم خان
منیجر کی ذمہ داری نبھائیں گے،آل راونڈر شاہد خان آفریدی بھی اس ٹیم کا حصہ بن سکتے ہیں۔ بعض دیگر اہم کھلاڑیوں اور کوئٹہ
گلیڈی ایٹر اسٹارزکے ساتھ مقامی باصلاحیت کرکٹرز کو بھی مواقع میسر آئیں گے۔ اس کے روح رواں پی ایس ایل ٹیم کوئٹہ گلیڈی ایٹر
کے مالک ندیم عمر ہیں۔دریں اثنا ایل پی ایل کے افتتاحی ایڈیشن کے حوالے سے بدھ کو مقامی ہوٹل میں پریس کانفرنس کا انعقاد
ہو گا،آرگنائزنگ کمیٹی آئی پی جی پاکستان کے صدر ایئر وائس مارشل(ر)سید رضی نواب، ایم ڈی جاوید غلام رسول اور ندیم عمر
تفصیلات سے آگاہ کریں گے۔
