لاہور (رپورٹنگ آن لائن) لاہور ہائیکورٹ نے اسپتالوں، تعلیمی اور رفاحی اداروں سے نواز شریف کا نام ہٹانے کی درخواست اعتراض لگا کر مسترد کردی۔ پیر کو لاہور ہائیکورٹ میں اسپتالوں، تعلیمی اور رفاحی اداروں سے نواز شریف کا نام ہٹانے کی درخواست پر سماعت ہوئی، جس کو عدالت نے اعتراض لگا کر نمٹادیا۔
ہائیکورٹ آفس نے اعتراض کیا کہ عدالتی تعطیلات کے دوران صرف ہنگامی نوعیت کی درخواستوں پر سماعت ہوسکتی ہے۔ درخواست ہنگامی نوعیت کی نہیں ہے اس لیے تعطیلات میں اس پر سماعت نہیں ہوسکتی۔ درخواست مقامی شہری رضا نے تین روز قبل لاہور ہائیکورٹ میں دائر کی تھی۔
درخواست میں مقف اپنایا گیا کہ نوازشریف کرپشن کے الزامات پر سزا یافتہ، عدالتی اشتہاری اور نااہل ہیں جبکہ نواز شریف نے قومی سلامتی اداروں کے خلاف بات اور ممبی حملوں کا ذمہ دار پاکستان کو قرار دیا۔ نواز شریف نے را کے ایجنٹ افغان سیکیورٹی ایڈوائزر سے بھی ملاقات کی۔ شہری رضا نے وکیل کے توسط سے درخواست دائر کی جس میں پنجاب حکومت، چیف سیکرٹری پنجاب اور سیکرٹری لوکل گورنمنٹ کو فریق بنایا گیا ہے۔
