اسلام آباد(رپورٹنگ آن لائن ) الیکشن کمیشن نے مولانا فضل الرحمان کو جمیعت علمائے اسلام پاکستان کا نام استعمال کرنے سے روکنے کی درخواست خارج کردی۔
الیکشن کمیشن کے دو رکنی بینچ نے محفوظ فیصلہ سنا دیا۔ جے یو آئی سے نکالے جانے والے مولانا شجاع الملک نے مولانا فضل الرحمان کو جمیعت علمائے اسلام کا نام استعمال سے روکنے کی درخواست کی تھی۔ سماعت کے بعد الیکشن کمیشن نے 18 مارچ کو دلائل مکمل ہونے کے بعد فیصلہ محفوظ کیا تھا۔
