اسلام آباد (رپورٹنگ آن لائن)اسپیکر قومی اسمبلی سردار ایاز صادق نے یومِ اقبال کے موقع پر اپنے پیغام میں شاعرِ مشرق، مفکرِ پاکستان علامہ محمد اقبالکو زبردست خراجِ عقیدت پیش کرتے ہوئے کہا ہے کہ علامہ اقبالکے افکار نے برصغیر کے مسلمانوں کے دلوں میں آزادی، خودی، اور ملی غیرت کی نئی روح پھونکی۔
اپنے پیغام میں انہوں نے کہا کہ اقبالکی فکر نہ صرف قیامِ پاکستان کا فکری ماخذ ہے بلکہ پوری امتِ مسلمہ کے لیے مشعلِ راہ ہے۔اسپیکر نے کہا کہ اقبال نے مسلمانوں کو جداگانہ قومیت کا شعور عطا کیا اور ایک آزاد وطن کا تصور دے کر انہیں نظریاتی سمت فراہم کی۔ انہوں نے کہا کہ نوجوانوں کو چاہیے کہ وہ علامہ اقبالکے پیغامِ خودی کو سمجھیں، اسے اپنی عملی زندگی میں اپنائیں اور ملک کی تعمیر و ترقی میں بھرپور کردار ادا کریں تاکہ پاکستان کو ایک مضبوط، خودمختار اور خوشحال ریاست بنایا جا سکے۔اسپیکر قومی اسمبلی نے کہا کہ علامہ اقبالکا خواب محض جغرافیائی آزادی تک محدود نہیں تھا بلکہ وہ فکری، اخلاقی اور روحانی بیداری کا علمبردار تھا۔
انہوں نے کہا کہ اقبالکا پیغام ہمیں ایمان، اتحاد، عمل اور اجتماعی ذمہ داری کا درس دیتا ہے۔ اسپیکر نے اس عزم کا اعادہ کیا کہ ہم اقبالکے بتائے ہوئے اصولوں پر عمل پیرا ہوکر وطنِ عزیز کو حقیقی معنوں میں ایک فلاحی، خوشحال اور پرامن ریاست بنائیں گے۔ڈپٹی اسپیکر قومی اسمبلی سید غلام مصطفی شاہ نے بھی یومِ اقبالکے موقع پر اپنے پیغام میں کہا کہ علامہ اقبال کی شاعری دلوں کو بیدار اور ذہنوں کو منور کرتی ہے۔
انہوں نے کہا کہ شاعرِ مشرق نے امتِ مسلمہ کو خودی، ایمان اور عملِ پیہم کا پیغام دیا، آج ضرورت اس امر کی ہے کہ ہم ان افکار کو اپنی قومی پالیسیوں، تعلیمی نظام اور اجتماعی رویوں کا حصہ بنائیں۔ڈپٹی اسپیکر سید غلام مصطفیٰ شاہ نے کہا کہ اقبالکا یہ پیغام کہ افراد کے ہاتھوں میں ہے اقوام کی تقدیر” ہمیں یہ سبق دیتا ہے کہ پاکستان کی ترقی، استحکام اور خوشحالی کا انحصار عوام کے شعور، اتحاد اور محنت پر ہے۔
