اسلام آباد(رپورٹنگ آن لائن)صدرِ مملکت آصف علی زرداری نے پشاور میں فیڈرل کانسٹیبلری کے ہیڈکوارٹر پر فتنہ الخوارج کے حملے کی شدید مذمت کرتے ہوئے شہدا کے لواحقین سے دلی ہمدردی اور زخمیوں کی جلد صحت یابی کیلئے دُعا کی ہے۔
پیر کو ایوان صدر کے پریس ونگ سے جاری بیان کے مطابق صدر آصف علی زرداری نے کہا کہ حملہ وطنِ عزیز کے خلاف بیرونی پشت پناہی میں سرگرم خارجی دہشت گردوں کی بزدلانہ کارروائی ہے۔
صدر مملکت نے کہا کہ وطنِ عزیز سے بیرونی پشت پناہی میں سرگرم خوارج کی دہشت گردی کا مکمل خاتمہ اولین ترجیح ہے۔صدر مملکت نے سکیورٹی فورسز اور پولیس کی بروقت اور جرأت مندانہ کارروائی کو خراجِ تحسین پیش کیا۔
