اسلام آباد (رپورٹنگ آن لائن)صدر مملکت آصف علی زرداری نے مستونگ میں بلوچستان کانسٹبلری کی گاڑی کے قریب دھماکے کی مذمت کرتے ہوئیملکی سلامتی کی خاطر جان کا نذرانہ پیش کرنے پر بلوچستان کانسٹبلری کے اہلکاروں کو خراجِ عقیدت پیش کیا ہے ۔
جاری اعلامیہ کے مطابق صدر مملکت نے دھماکے میں 3 اہلکاروں کی شہادت پر گہرے دْکھ اور افسوس کا اظہار کرتے ہوئے ملکی سلامتی کی خاطر جان کا نذرانہ پیش کرنے پر بلوچستان کانسٹبلری کے اہلکاروں کو خراجِ عقیدت پیش کیا ہے ۔
صدر مملکت نے ملک سے دہشتگردی کے مکمل خاتمے کیلئے کاوشیں جاری رکھنے کے عزم کا اعادہ کیا ۔صدر مملکت نے شہداء کیلئے بلندی درجات، لواحقین کیلئے صبر جمیل کی دعا ء کی ۔صدر مملکت نے دھماکے میں زخمی ہونے والوں کی جلد صحت یابی کی دعاء کی ۔
