اسلام آباد(رپورٹنگ آن لائن)صدر مملکت آصف علی زرداری نے جکارتہ میں سکول کی مسجد میں دھماکے پر گہرے دکھ اور افسوس کا اظہار کرتے ہوئے کہا ہے کہ پاکستان دہشت گردی اور انتہا پسندی کے خلاف عالمی کوششوں میں انڈونیشیا کے ساتھ ہے۔
جمعہ کو ایوان صدر کے پریس ونگ سے جاری بیان کے مطابق صدر مملکت نے کہا کہ پاکستانی قوم دہشت گردی کے خلاف بھاری قربانیاں دے چکی ہے۔
انہوں نے کہا کہ دہشت گردی نے میری اپنی زندگی کو بھی شدید متاثر کیا لیکن کبھی ہمت نہیں ہاری۔ صدر مملکت نے دھماکے میں زخمی ہونے والوں کی جلد صحت یابی کے لیے دعا کی۔
