اوکاڑہ (شیر محمد ) ڈسٹرکٹ ایمرجنسی آفیسر ظفر اقبال کی زیر نگرانی ضلع بھر میں روڈ ٹریفک حادثات کے متاثرین کے عالمی دن کی مناسبت سے عوام الناس میں حادثات سے بچاؤ کے بارے آگاہی فراہم کرنے کے لیے سیمنارز اور واکس کا انعقاد کیا گیا۔ جس میں ریسکیو افسران، طلباء و طالبات، ریسکیو رضاکاروں، نیشنل ہائی وے پولیس اور ریسکیورز کے افراد شرکت کی۔ آگاہی سیمینارز اور واکس کا اہتمام کمیونٹی ریسکیو اسٹیشنوں کے ساتھ ساتھ ضلع بھر میں مختلف سکولوں اور کالجز میں کیا گیا۔
اس موقع ڈسٹرکٹ ایمرجنسی آفیسر ظفر اقبال کا کہنا تھا کہ پاکستان میں ہر 1 منٹ میں روڈ حادثہ رونما ہوتا ہے اور 75 فیصد روڈ حادثات موٹر سائیکل سے منسلک ہوتی ہے۔ موٹر سائیکل سوار کی تیز رفتاری، گاڑیوں کے درمیان میں گزرنے اور موبائل فون کے استعمال کرنے کی وجہ سے یہ حادثات پیش آتے ہیں.
لہذا عوام الناس سے اپیل ہے کہ موٹر سائیکل کی رفتار 50 کلومیٹر سے تجاوز نہ کریں کیونکہ موٹر سائیکل کی رفتار اگر 60 کلومیٹر پر یا اس سے زائد ہو گی تو حادثہ کی صورت میں زندہ بچ جانے کے امکانات صرف 5 فیصد ہیں، موبائل فون کا استعمال ہرگز نہ کریں، سڑک کی بائیں جانب موٹر سائیکل چلائیں اور معیاری ہیلمیٹ کا استعمال کریں۔ ان حفاظتی تدابیر پر عمل کر کے اپنی اور اپنے پیاروں کی زندگیوں کو بچانے میں ریسکیو 1122 کا ساتھ دیں۔ زندگی، معذوری یا موت فیصلہ آپ کا.
