اسلام آباد (رپورٹنگ آن لائن)سپیکر قومی اسمبلی سردار ایاز صادق نے سینئر صحافی طارق وارثی کے انتقال پر تعزیت کا اظہارِ کیا ہے ۔
جمعرات کو اپنے تعزیتی پیغام میں انہوں نے مرحوم کے اہل خانہ سے گہرے دکھ اور افسوس کا اظہار کرتے ہوئے کہا کہ دکھ کی اس گھڑی میں آپ کے غم میں برابر کا شریک ہوں۔
سردار ایاز صادق نے طارق وارثی کی صحافتی خدمات کو خراجِ تحسین پیش کرتے ہوئے کہا کہ ان کے انتقال سے پیدا ہونے والا خلا تادیر پُر نہیں ہو سکے گا۔ سپیکر نے اللہ تعالیٰ سے مرحوم کے درجات کی بلندی اور اہلِ خانہ کے لیے صبرِ جمیل کی دعا کی۔
