اسلام آباد (ر پورٹنگ آن لائن) کورونا وائرس کی وباء سے نمٹنے کی کوششوں کے ضمن میں سٹیٹ بنک کے قرضہ
موخرو ری شیڈول کرنے کی سکیم کے تحت اب تک 6 کھرب، 36 ارب ،76کروڑ، 70 لاکھ روپے مالیت کے قرضوں کو ایک
سال کیلئے موخرکردیا گیاہے۔ سٹیٹ بنک کی جانب سے اس حوالہ سے جاری کردہ اعداد وشمارکے مطابق اصل زر کی ادائیگی
ایک سال کیلئے موخرکرنے کی سکیم کے تحت30 جولائی تک سٹیٹ بنک کو 12لاکھ ، 95 ہزار 821 درخواستیں موصول ہوئی.
جن کے زمہ واجب الاداقرضہ کا حجم 24 کھرب ، 84 90 کروڑ،کروڑ، 30 لاکھ روپے ہیں، ان میں سے12لاکھ 32ہزار، 480
درخواستوں کی منظوری دی گئی ہے اور 6 کھرب، 36 ارب ،76کروڑ، 70 لاکھ روپے مالیت کے قرضوں کو ایک سال کیلئے
موخرکردیا گیا۔ اسی طرح اس سکیم کے تحت ایک کھرب ،63 ارب 93 کروڑِ روپے سے زائد کے قرضوں کی ری سٹرکچرنگ/
ری شیڈولنگ کی منظوری دی گئی ہے۔اس سکیم کے تحت صارف قرض کا اصل زر ایک سال موخر کرنے کی مشروط اجازت
دے دی گئی ہے۔ یہ سہولت ان صارفین کیلئے ہیں جن کی ادائیگی 31 دسمبر تک باقاعدہ ہوں ہو،قرض ادائیگی موخر کرنے
پر بینک کوئی فیس یا سود چارج نہیں کریں گے۔ بینکس اس دوران صرف سود یا منافع کی وصولی کر سکیں گے،جو صارفین
سود یا منافع کی رقم ادا نہ کرسکیں وہ ری سٹرکچر کی درخواست کرسکتے ہیں۔ قرضوں کو موخر یا ری شیڈول کرنے
سے کریڈٹ ہسٹری متاثر نہیں ہوگی۔
