ڈی جی ایکسائز

” سو سنار کی” ڈی جی ایکسائز، شراب کی بائیومیٹرک فروخت پر تل گئے۔

شہبازاکمل جندران۔۔

ڈائریکٹر جنرل ایکسائز ٹیکسیشن اینڈ نارکوٹکس کنٹرول ڈیپارٹمنٹ پنجاب ڈاکٹر آصف طفیل نے 15 جنوری 2023 سے صوبے کی تمام L-2 وینڈ شاپس پر شراب کی فروخت کو بائیومیٹرک نظام سے منسلک کرتے ہوئے سیل ،پرچیز کے سسٹم کو آن لائن کررہے ہیں۔

جس کو محکمے کے سابق اہلکار مسعود وڑائچ سے جوڑا جارہا ہے اور کہا جارہا ہے کہ جس مذکورہ ریٹائرڈ ملازم کی وینڈ شاپس میں انتہائی مداخلت اور اس کے خلاف ڈی جی کی بے بسی پر ڈاکٹر آصف طفیل یہ قدم اٹھانے جارہے ہیں اور ان کے اس قدم کو ” سو سنار کی ایک لوہار کی” قرار دیا جارہا یے۔
ڈی جی ایکسائز
ذرائع کے مطابق ڈائریکٹر جنرل ایکسائز اینڈ ٹیکسیشن بائیومیٹرک نظام کو متعارف کروانے میں اس قدر دلچسپی لے رہے ہیں کہ وہ چھٹی ہے روز ہفتے اور اتوار کو بھی دفتر لگا کر میٹنگز اور Preparing کررہے ہیں ہفتہ 14 جنوری 2023 کو چھٹی کے روز سہ پہر 4 بجے بھی ایک میٹنگ طلب کررکھی ہے۔

دوسری طرف ذرائع نے خدشہ ظاہر کیا ہے کہ ڈائریکٹر جنرل ایکسائز اینڈ ٹیکسیشن کے اس فیصلے سے ایک طرف ایکسائز ڈیوٹی و فیس کی مد میں ریونیو زیرو ہونے کا امکان ہے۔ جبکہ غیر مسلموں کے لئے ان کی پردہ دار خواتین کو وینڈ شاپس میں لانا بھی ناممکن ہوگا اور اس پر بد مزگی بھی پیدا ہوگی۔

اور یہی نہیں بلکہ نشان انگوٹھا کی تصدیق نہ ہونے کہ صورت میں نئے مسائل جنم لینگے جن کا حل تلاش کرتے ہوئے کرپشن کے نئے راستے کھلیں گے۔

ذرائع نے اس امر کا بھی خدشہ ظاہر کیا ہے کہ شراب کی طلب اور کھپت خو پورا کرنے کے لئے مری بروری اور وینڈ شاپس پرمٹ اور لائسنس کے بغیر بھی شراب فروخت کرینگے۔جسے سرکار کو ریونیو بھی نہیں ملے گا