کراچی (رپورٹنگ آن لائن) وزیراعلی سندھ سید مراد علی شاہ نے کہا ہے کہ سندھ میں پانی کا مسئلہ شدید بدتر ہوتا جارہا ہے، ہم پانی کا مسئلہ ہم جلد از جلد حل کریں گے، وفاقی حکومت گیارہ محکموں کے 25 ہزار ملازمین کو نکالنے جارہے ہیں، 25 ہزار خانداوں کو نوکریاں بے نظیر بھٹو نے دیں ہیں۔
تفصیلات کے مطابق وزیراعلی سندھ سید مراد علی شاہ نے میڈیا سے گفتگو کرتے ہوئے کہا ہے کہ سندھ میں پانی کا مسئلہ شدید بدتر ہوتا جارہا ہے، کراچی کو پانی کینجھر سے آتا ہے، ہم پانی کا مسئلہ ہم جلد از جلد حل کریں گے۔ ان کا کہنا ہے کہ پی ٹی آئی نے کہا کہ ایک کروڑ نوکریاں دیں گے لیکن نوکریاں دینے کے بجائے ہزاروں ملازمین کو نکالا گیا ہے، اسٹیل مل کے ملازمین کو دربدر کیا گیا ہے، وفاقی حکومت گیارہ محکموں کے 25 ہزار ملازمین کو نکالنے جارہے ہیں، 25 ہزار خانداوں کو نوکریاں بے نظیر بھٹو نے دیں ہیں، بارہ سال بعد ان تمام محکموں کے ملازمین کو نکالا جارہا ہے۔
انھوں نے کہا ہے کہ ہم پیپلزپارٹی کی چیئرمین بلاول بھٹو کی ہدایات پر ان تمام محکموں کے ملازمین کو بہترین وکلا کرکے دیں گے۔
