اسلام آباد (رپورٹنگ آن لائن)وفاقی وزیر اطلاعات و نشریات عطاء اللہ تارڑ نے کہا ہے کہ سری لنکا خود دہشت گردی کا شکار رہا ہے، سری لنکا کے بہادر عوام نے تمام چیلنجوں پر قابو پایا، انہوں نے ہمیں بہت امید دلائی ہے۔ یہ بات انہوں نے پاکستان ٹی وی سے گفتگو کرتے ہوئے کہی۔
قبل ازیں سماجی رابطے کے پلیٹ فارم ”ایکس“ پر اپنی ایک پوسٹ میں وفاقی وزیر اطلاعات نے پاکستان کے دورے اور کرکٹ کے کھیل کیلئے ہمیشہ حمایت پر سری لنکن کرکٹ ٹیم کا دلی شکریہ ادا کرتے ہوئے کہا کہ آپ کے جذبہ کھیل کو سراہتے ہیں۔ آپ کی موجودگی ہمارے لئے باعث اعزاز ہے۔
