اسلام آباد (رپورٹنگ آن لائن)سپیکر قومی اسمبلی سردار ایاز صادق نے سری لنکا، انڈونیشیا، ملائیشیا اور تھائی لینڈ میں سیلاب سے جانی و مالی نقصان پر گہرے دکھ اور افسوس کا اظہار کیا ہے۔
جمعرات کو اپنے پیغام میں انہوں نے سیلاب سے متاثرہ خاندانوں ،ممالک کی پارلیمانوں، عوام اور حکومتوں سے تعزیت ، ہمدردی اور یکجہتی کا اظہار کیا۔ انہوں نے سیلاب سے متاثرہ ممالک کی بحالی اور امداد کے لیے عالمی تعاون کی ضرورت پر زور دیا اور کہا کہ عالمی برادری سیلاب متاثرہ ممالک کی ریلیف اور بحالی کیلئے ترجیح بنیادوں پر اقدامات اٹھائے۔
قدرتی آفات موسمیاتی تبدیلیوں کا شاخسانہ ہے۔موسمیاتی تبدیلیوں کے اثرات سے نمٹنے کے لیے عالمی سطح پر مشترکہ حکمتِ عملی اختیار کرنا ناگزیر ہے۔پاکستان خود بھی موسمیاتی تبدیلیوں سے متاثر ہونے والے ممالک میں شامل ہے۔سپیکر قومی اسمبلی نیسیلاب متاثرین کی جلد بحالی کیلئے اجتماعی کوششوں کی ضرورت پر زور دیا۔
