سڈنی (رپورٹنگ آن لائن)سابق آسٹریلوی کرکٹر ڈیمین مارٹن کو ہسپتال سے ڈسچارج کردیا گیا۔غیرملکی میڈیا کے مطابق 54 سالہ ڈیمین مارٹن برسبین میں دو ہفتے تک ہسپتال میں رہے، کرسمس ڈے پر گردن توڑ بخار کی وجہ سے ان کی حالت تشویشناک ہوگئی تھی۔بعدازاں ڈیمین مارٹن کوما میں چلے گئے تھے اور آئی سی یو میں زیرِ علاج تھے۔
ڈیمین مارٹن کے قریبی دوست سابق کرکٹر ایڈم گلکرسٹ نے بتایا کہ ڈیمین مارٹن کو ہسپتال سے ریلیز کردیا گیا ہے تاہم ان کی ری کوری کے لیے لمبا سفر ہے۔ایڈم گلکرسٹ کے مطابق ڈیمین مارٹن گھر واپس آ گئے ہیں، فیملی نے میڈیکل اسٹاف اور متعلقہ افراد کا شکریہ ادا کیا ہے۔
