ماسکو (رپورٹنگ آن لائن)ماسکو کے نواحی علاقے کراکس پر دہشتگرد حملے سے متعلق وائٹ ہائوس کے مشیرقومی سلامتی جان کربی نے کہاہے کہ ابتدائی معلومات کے مطابق واقعے میں یوکرین ملوث نہیں ہے۔
غیرملکی خبررساں ادارے کے مطابق جان کربی نے واضح کیا کہ ماسکو میں امریکی سفارتخانے نے 8 مارچ کو امریکی شہریوں کو ممکنہ دہشتگردی سے خبردار کرتے ہوئے مجمع میں جانے سے گریز کرنے کی ہدایات بھی جاری کی تھیں۔
روس کی وزارت خارجہ کی ترجمان ماریا زخاروا نے دہشتگردی میں یوکرین کے ملوث نہ ہونے سے متعلق امریکی ردعمل پر تشویش ظاہر کرتے ہوئے کہا کہ واشنگٹن نے حملے کے دوران ہی آخر کس بنیاد پر یہ نتیجہ اخذ کرلیا کہ دہشتگرد حملے میں کوئی دوسرا ملوث ہے؟
انہوں نے کہا کہ امریکی عہدیدار کی دعوی کے مطابق اگر دہشتگردی کا کوئی خدشہ تھا تو شواہد دیے جائیں۔
