اسلام آباد(رپورٹنگ آن لائن) وفاقی وزیر مواصلات مراد سعید نے کہا ہے کہ موجودہ حکومت کے دور میں پاک چین اقتصادی راہداری کے مغربی روٹ نے حقیقت کا روپ دھار لیا ہے ،رواں سال 5نئے بڑے منصوبوں سے کام کا آغاز ہو جائے گا۔
جمعرات کو وفاقی وزیر مواصلات مراد سعید نے تقریب سے خطاب کرتے ہوئے کہا کہ موجودہ حکومت نے موٹر وے پولیس کی استعداد کار میں اضافہ کیا ہے جس بناءپر موٹر وے پولیس نے شاندار کارکردگی کا مظاہر ہ کیا ہے ۔ وفاقی وزیر نے کہا کہ حیدر آباد سکھر موٹر وے پبلک پرائیویٹ پارٹنر شپ کے تحت مکمل ہوگی اور ہر منصبوبے کے پی سی ون میں موٹر وے پولیس کی ضروریات کو بھی مدنظررکھا جائے گا، انہوں نے بتایا کہ امسال پبلک پرائیویٹ پارٹنر شپ کے تحت 5بڑے منصوں پر کام شروع ہو گا ۔
اقتصادی راہداری کا مغربی روٹ حقیقت کا روپ دھار چکاہے اور عام طبقے کو شاہراہوں میں بہترین سہولیات فراہم کی جا رہی ہے ۔
