کراچی(رپورٹنگ آن لائن)لتا منگیشکر کے مشہور گانے ”دل یہ پکارے آجا ”سے مشہور ہونے والی لڑکی عائشہ اظہر نے میٹرک میں تین بار فیل ہونے کا انکشاف کیا ہے۔
ایک انٹرویو میں انہوںنے بتایاکہ میں نے میٹرک مکمل کر لیا ہے لیکن مجھے یقین نہیں ہے کہ اب میں اپنی پڑھائی جاری رکھوں گی یا نہیں کیونکہ میں ماڈلنگ کرنا چاہتی ہوں یہ میرا جنون ہے،میں نے سکول ختم کیا اور اب میں کچھ بننا چاہتی ہوں جس کی وجہ سے میں نے پڑھائی سے وقفہ لیا اب میں تعلیم کے علاوہ کچھ کرنا چاہتی ہوں۔
عائشہ اظہر نے کہا کہ میں دوسروں کی طرح تعلیم حاصل کرنے کی اہلیت نہیں رکھتی اور تین بار فیل ہونے کے بعد میٹرک پاس کیا، میرا امتحان میرے دوستوں کی وجہ سے پاس ہوا جو مجھے زبردستی سکول بھیجتے تھے۔









