ممبئی (رپورٹنگ آن لائن)بالی ووڈ اداکارہ زرین خان نے سوشل میڈیا پر شادی نہ کرنیکا طعنہ دینے والے صارف کو کرارا جواب دے دیا۔
حال ہی میں ایک سوشل میڈیا صارف نے فوٹو اینڈ ویڈیو شیئرنگ ایپ انسٹاگرام پر اداکارہ کی ایک پوسٹ پر کمنٹ کرتے ہوئے انہیں ٹرول کیا کہ شادی کرلو، بوڑھی ہورہی ہو۔صارف کے ٹرول کے بعد زرین خان نے اپنے انسٹاگرام اکانٹ پر صارف کا کمنٹ شیئر کرتے ہوئے ویڈیو پیغام کے ذریعے انہیں دلچسپ جواب دیا۔
زرین خان نے جواب دیتے ہوئیکہا شادی ہر مسئلے کا حل نہیں اور میں اس سوچ کو سمجھنے سے قاصر ہوں جو شادی کو ہر مسئلے کا حل سمجھتے ہیں۔انہوں نے صارف کیکمنٹ پر رد عمل دیتے ہوئے سوال بھی اٹھایا کہ اگر میں شادی کر لوں، تو کیا میں پھر سے جوان ہو جائوں گی؟اداکارہ کا کہناتھا کہ خواتین کی آزادی کو اکثر خطرہ سمجھا جاتا ہے۔ زرین نے کہاکہ خواتین کے لیے اپنے فیصلے خود کرنیکا حق ہونا چاہیے اور یہ کہ شادی کسی فرد کی کامیابی یا خوشی کی ضمانت نہیں ہو سکتی۔
یاد رہے کہ زرین خان نے اپنے کیریئر کا آغاز 2010 میں فلم”ویر” سے کیا تھا، انہوں نے ہاوس فل 2، ہیٹ اسٹوری 3 سمیت دیگر کئی فلموں میں اداکاری کے جوہر دکھائے، زرین خان نے ہندی فلموں کے علاوہ پنجابی اور تامل فلموں میں بھی کام کیا ہے۔
