اسلام آباد(رپورٹنگ آن لائن) حکومت نے الیکشن کمیشن ضابطہ اخلاق میں تبدیلی کا فیصلہ کر لیا، فیصلے کے تحت وفاقی وزراءبھی انتخابی مہم چلا سکیں گے، نجی ٹی وی کے مطابق وفاقی کابینہ نے الیکشن کمیشن کے کوڈ آف کنڈکٹ میں تبدیلی کا فیصلہ کر لیا۔
انتخابات کی مہم میں وزرا، اراکین اسمبلی سب حصہ لے سکیں گے۔ اس سے پہلے وزرا اور ارکان پارلیمنٹ کی الیکشن کمپین میں حصہ لینے پر پابندی تھی۔نجی ٹی وی کے مطابق حصہ لینے پر ارکان پارلیمنٹ کو الیکشن کمیشن کے شوکاز نوٹسز کا سامنا کرنا پڑتا تھا۔تمام سیاسی جماعتوں نے الیکشن کمیشن کے اس ضابطہ اخلاق پر تحفظات کا اظہار کیا تھا۔ اب اس میں تبدیلی کے لئے وفاقی کابینہ نے نئے آرڈیننس کی منظوری دے دی ہے۔
