راولپنڈی(رپورٹنگ آن لائن)سابق وزیراعظم اور پیپلز پارٹی کے رہنما راجہ پرویز اشرف نے کہا کہ ہم لوگ متحدہ اپوزیشن دیکھنا چاہتے ہیں، ہفتہ کو ایک بیان میں راجہ پرویز اشرف نے کہا کہ پی ڈی ایم میں کچھ اعتراضات تھے اس لیے ہم اس سے علیحدہ ہوئے،
انہوں نے کہا کہ حکومت نے عوام کو بہت سبز باغ دکھائے تھے، گورنر اسٹیٹ بینک کہتے ہیں کہ ڈالر مہنگا ہونے سے بیرونِ ملک پاکستانیوں کو فائدہ ہو رہا ہے، وزیراعظم عمران خان اور حکومت کا رویہ افسوس ناک ہے، اخلاقیات کا جنازہ نکال دیا گیا ہے،انہوں نے کہا کہ میڈیا کے لوگوں کی توہین کی جا رہی ہے، پارلیمنٹ کو بے توقیر کیا جا رہا ہے، پاکستان کی تاریخ میں ایسی نااہل حکومت نہیں آئی، وقت کی ضرورت ہے کہ متحد ہو کر موجودہ حکومت کو چلتا کیا جائے،انہوں نے کہا کہ اگر وزیراعظم عمران خان کو لگتا ہے کہ ان کے ملک میں ہونے یا نہ ہونے سے فرق نہیں پڑتا تو یہ بھی ٹھیک ہے۔
