اسلام آباد (رپورٹنگ آن لائن) حاملہ خواتین کو لگائے جانے والے پروجیسٹرون انجکشنز پر پابندی عائد کردی گئی۔ڈرگ ریگولیٹری اتھارٹی آف پاکستان کے رجسٹریشن بورڈ کے 327 وِیں اجلاس میں اس انجیکشن پر پابندی کا فیصلہ کیاگیا۔ پابندی کا فیصلہ پروجیسٹرون انجکشنز میں کینسر پیدا کرنے والے عناصر کی موجودگی کے باعث کیا گیا۔
اس سے قبل امریکی محکمہ خوراک اور ادویات نے پروجیسٹرون انجکشنز میں کینسر کا باعث بننے والے عناصر کی موجودگی کی نشاندہی کرنے کے بعد ان پر پابندی عائد کی تھی۔
