لاہور( رپورٹنگ آن لائن)سینئر اداکارہ افشاں قریشی نے کہا ہے کہ جوانی کی عمر میں بیوہ ہونا میری زندگی کا سب سے بڑا صدمہ تھا ،مجھے اسٹیج ڈراموں کا سلطان راہی بھی کہا جاتا تھا۔
سینئر اداکارہ افشاں قریشی نے طویل عرصہ بعد مزاحیہ شو میں شرکت کی جس کے لئے وہ خصوصی طور پر کراچی سے لاہو رآئیں ۔ سینئر اداکارہ نے اپنے حالات زندگی پر کھل کر بات کی ۔ انہوں نے کہا کہ میری پسند کی شادی تھی لیکن جوانی میں ہی خاوند کی جدائی میری زندگی کا سب سے بڑا صدمہ تھا ۔
انہوں نے کہا کہ جب میرا بیٹا فیصل قریشی شوبز کی دنیا میں کامیاب ہوا تو یہ سب سے یادگار لمحہ تھا۔ انہوں نے بتایا کہ میں بیک وقت تین جگہوں پر اسٹیج ڈرامہ کرتی تھی اور مجھے اسٹیج ڈراموں کا سلطان راہی بھی کہا جاتا تھا۔
