لاہور( رپورٹنگ آن لائن)لاہور ہائیکورٹ کے جسٹس انوار حسین نے درخواست گزار شاہد جاوید خالد کا نام پاسپورٹ کنٹرول لسٹ میں ڈالنے فیصلہ کالعدم قرار دیدیا.
عدالت کا درخواست گزار کا نام پاسپورٹ کنٹرول لسٹ سے نکالنے کا حکم دیدیا، ایڈیشنل اٹارنی جنرل نے مؤقف اپنایا کہ درخواست گزار کیخلاف مقدمہ درج ہے اور تفتیش کیلئے تعاون نہیں کر رہا، عدالت نے استفسار کیا کہ اتنے مقدمات درج ہوتے ہیں کیا سب میں کارروائی کیلئے لکھا جاتا ہے، وفاقی حکومت کے وکیل نے موقف اپنایا کہ پنجاب پولیس نے 571 لوگوں کیخلاف کارروائی کیلئے لکھا.
106 لوگوں کے نام پاسپورٹ کنٹرول لسٹ سے نکالے گئے،درخواست گزار ضمانت پر ہے اور شامل تفتیش ہوا، ہوم سیکرٹری نور الامین مینگل نے کہا کہ تفتیش اور تحقیات کیلئے نام پاسپورٹ کنٹرول لسٹ میں ڈالنے کیلئے کہا، کیا ضمانت پر ہونے کے باوجود کسی بھی شہری کو آپ روک سکتے ہیں، عدالت نے ریمارکس دیئے کہ آپ نے اپنی مرضی کرنی ہے تو پھر آئین اور قانون کی عملداری کیا ہے؟
