اسلام آباد (رپورٹنگ آن لائن) وزارت منصوبہ بندی، ترقی و اصلاحات نے سرکاری شعبہ کے ترقیاتی پروگراموں میں ایوی ایشن ڈویژن کیلئے مجموعی طور پر اب تک ایک ارب 94 کروڑ 97 لاکھ روپے کے فنڈزجاری کر دیئے ہیں،
حکومت نے اس ڈویژن کے ترقیاتی کاموں کیلئے رواں مالی سال کے دوران 2 ارب 58 کروڑ روپے زائدکے فنڈز مختص کئے ہیں۔ پلاننگ کمیشن کے جاری اعداد وشمار کے مطابق حکومت نے اسلام آباد میں کسانی ڈیم کی تعمیر کیلئے 10کروڑ،کراچی میں موسمیاتی ریڈار کی تنصیب کیلئے 3کروڑ روپے سمیت مختلف ترقیاتی منصوبوں کیلئے فنڈز جاری کر دیئے ہیں۔
