لاہور (رپورٹنگ آن لائن)سابق کپتان مصباح الحق نے کہا ہے کہ بڑے ملکوں کو ٹیسٹ کرکٹ کو اہمیت دینی چاہیے، آسٹریلیا کا پاکستان آنا بہت ضروری ہے۔میڈیا سے گفتگو کرتے ہوئے مصباح الحق نے کہا کہ محمد رضوان نے بہت محنت کی ہے، مجھے اندازہ تھا کہ وہ اوپر کھیل سکتا ہے۔انہوں نے کہا کہ سینٹرل پنجاب نے کالج کی سطح پر کرکٹ شروع کی ہے، میرا بیٹا فہام الحق بھی ایسے ہی جیسے دوسرے کرکٹر ہیں۔
انہوںنے کہاکہ پاکستان سپر لیگ (پی ایس ایل) میں شاندار میچز ہورہے ہیں جو کرکٹ کے لئے بہت اچھا ہے۔خیال رہے پاکستان اور آسٹریلیا کے درمیان پہلا ٹیسٹ 3 مارچ سے کراچی میں شروع ہونا ہے ،راولپنڈی اور لاہور بھی ٹیسٹ میچز کے وینیوز میں شامل ہیں۔پاکستان اور آسٹریلیا کے درمیان 3 ٹیسٹ اور 3 ون ڈے میچز جبکہ ایک ٹی ٹوئنٹی میچ کھیلا جائے گا۔
