اسلام آباد(رپورٹنگ آن لائن) پاکستان پیپلز پارٹی کے چیئرمین بلاول بھٹو زرداری کی جمعیت علمائے اسلام کے سربراہ مولانا فضل الرحمان کی رہائش گاہ آمد ہوئی۔
بلاول بھٹو زرداری کے ہمراہ راجہ پرویز اشرف، نیئر بخاری اور چودھری یاسین موجود تھے، ملاقات میں سابق وفاقی وزیر مولانا اسعد محمود شریک ہوئے۔
چیئرمین بلاول بھٹو زرداری اور جے یو آئی کے امیر مولانا فضل الرحمان کے درمیان سیاسی امور پر تبادلہ خیال ہوا، ملاقات میں آزادکشمیر کے آئندہ انتخابات سے متلعق معاملات پر بھی غور کیا گیا۔
جے یو آئی کے سینیٹر کامران مرتضیٰ بھی ملاقات میں شرکت کے لیے مولانا کی رہائش گاہ پہنچے۔
