کراچی(رپورٹنگ آن لائن)شوبز انڈسٹری کی سینئر اداکارہ بشریٰ انصاری نے اداکارہ سحر ہاشمی کو جیون ساتھی کیلئے دعا دے دی۔
حال ہی میں بشریٰ انصاری نے اپنا نیا وی لاگ میں بتایا کہ نوجوان اداکارہ سحر ہاشمی کے ساتھ ڈرامے میں کام اداکاری کے جوہر دکھائیں گی۔انہوں نے سحر ہاشمی کی شخصیت اور ان کی ازدواجی خواہشات پر بھی روشنی ڈالی۔بشریٰ انصاری نے بتایاکہ آج کل میں نئے فنکاروں کے ساتھ کام کر رہی ہوں، ماشا ء اللہ بہت پیارے فنکار انڈسٹری میں آ رہے ہیں، میں سحر ہاشمی کے ساتھ کام کر رہی ہوں، وہ بہت زندہ دل ہیں، باصلاحیت نئے فنکاروں کو دیکھ کر خوشی ہوتی ہے۔
انہوں نے کہا کہ یمنی مجھے بہت عزیز ہیں، عروہ خوبصورت ہیں، مایا محبت اور جذبات سے بھرپور ہیں، میرا ایک سادہ اصول ہے محبت دو اور محبت لو۔اداکارہ نے کہاکہ سحر ہاشمی بہت شوخ، ملنسار، محبت کرنے والی اور خوش مزاج لڑکی ہیں، میری دعا ہے کہ انہیں ایک بہترین جیون ساتھی ملے، وہ اکثر مجھے کہتی ہیں کہ مجھے تو ایسا رومانوی شخص چاہیے جو ہمیشہ میری تعریف کرے۔بشریٰ انصاری نے کہا کہ میں دل سے دعا کرتی ہوں کہ سحر کی یہ خواہش پوری ہو اور وہ ہمیشہ خوش رہے۔
