اوکاڑہ
( شیر محمد)اجلاس میں ڈپٹی ڈائریکٹر ماحولیات محمد عبدالقیوم، سیکرٹری ڈی آر ڈی اے اقصیٰ ریاض، انڈسٹریز، ٹریفک پولیس سمیت متعلقہ محکموں کے افسران نے شرکت کی، محکمہ ماحولیات کے انسدادِ سموگ اقدامات، اس موقع پر فیلڈ ٹیموں کی کارکردگی، انڈسٹری اور ٹرانسپورٹ سیکٹر میں ہونے والی کارروائیوں اور آگاہی مہم کی پیشرفت کا تفصیلی جائزہ لیا گیا، ایڈیشنل ڈپٹی کمشنر علیزہ ریحان نے کہا کہ سموگ سے شہریوں کی صحت کے تحفظ کے لیے موثر اور فوری اقدامات ناگزیر ہیں،
انہوں نے متعلقہ محکموں کو ہدایت کی کہ سموگ پالیسی پر ہر صورت عملدرآمد یقینی بنایا جائے اور خلاف ورزی کرنے والے عناصر کے خلاف سخت اور بلاامتیاز کاروائیاں جاری رکھی جائیں، اجلاس میں بھٹہ مالکان کی نگرانی، کھلی جگہوں پر کچرا اور فصلوں کی باقیات جلانے کی روک تھام، دھوئیں خارج کرنے والی گاڑیوں کے خلاف ایکشن اور صنعتی یونٹس کی انسپکشن مزید تیز کرنے پر زور دیا گیا، ایڈیشنل ڈپٹی کمشنر نے ہدایات جاری کرتے ہوئے کہا کہ سموگ کا سبب بننے والے تمام عوامل کا سدباب کیا جائے، روزانہ کی بنیاد پر کارروائیوں کی تفصیلی رپورٹس پیش کی جائیں اور عوام کو موثر آگاہی بھی فراہم کی جائے۔
