اینٹی کرپشن کے بعد صوبائی حکومت بھی ایکشن میں آ گئی۔چارہزار گاڑیوں کی مشکوک رجسٹریشن میں ایکسائز ملازمین کے لئے نئی مشکل۔
شہباز اکمل جندران۔۔۔
لاپور میں 4 ہزار 397 گاڑیوں کی دستاویزات کا سکین ریکارڈ نہ ملنے اور اینٹی کرپشن کی طرف سے مقدمہ درج کرنے پر پنجاب حکومت بھی متحرک ہو گئی ہے۔
صوبائی حکومت نے ایکسائز ڈیپارٹمنٹ کے ایڈمنسٹریٹو سیکرٹری کے ذریعے اینٹی کرپشن کے سال 2020کے مقدمہ نمبر 46میں ملوث تمام 19 ملزمان جن میں 5 ڈائریکٹر، 3 ای ٹی اوز، 3 انسپکٹرز اور 8 ڈیٹا انٹری آپریٹرز کو خط لکھتے ہوئے ان سے تفصیلات طلب کر لی ہیں۔
صوبائی سیکرٹری ایکسائز ٹیکسیشن اینڈ نارکوٹکس کنٹرول ڈیپارٹمنٹ پنجاب کی طرف سے تمام ڈائریکٹروں، ای ٹی اوز، انسپکٹروں اور ڈی ای او سے تحریری طور پر پوچھا گیا ہے کہ کیا وہ مقدمہ نمبر 46میں شامل تفتیش ہوئے ہیں یا نہیں،اور اگر شامل تفتیش ہوئے ہیں تو انہوں نے کیا بیان دیا ہے وہ بیان submit کریں،
خط میں یہ بھی پوچھا گیا ہے کہ مشکوک رجسٹریشن کی حامل 4 ہزار 397 گاڑیوں کی ویری فکیشن کے لئے انہوں نے کیا اقدامات اٹھائے ہیں وہ بھی بیان کریں
