کراچی (رپورٹنگ آن لائن) وزیر داخلہ سندھ ضیا الحسن لنجار نے کہا ہے کہ اب اگر کسی بھی سڑک پر جلسہ ہوگا تو حکومت سندھ سخت ایکشن لے گی۔
ایک بیان میں وزیر داخلہ سندھ ضیا الحسن لنجار نے پاکستان تحریک انصاف (پی ٹی آئی) کو جلسہ کرنے کے حوالے سے واضح پیغام دیتے ہوئے کہا کہ پی ٹی آئی کو باغ جناح میں جلسہ کرنے کی اجازت ہے۔
وزیر داخلہ سندھ کا مزید کہنا تھا کہ سندھ حکومت نے پی ٹی آئی کو جہاں جلسے کی اجازت دی ہے وہیں جلسہ کرے، حکومت کی رٹ کو چیلنج کرنے کی ہرگز اجازت نہیں دی جائے گی۔
